Кеча пойтахтимизда дзюдо бўйича «Миллий олимпия қўмитаси соврини учун» Очиқ турнири старт олди.

Таэквондо WTF ассоциациясига қарашли «Универсал» спорт мажмуаси мезбонлик қилаётган турнирда дзюдочилардан ташқари кураш, белбоғли кураш ва самбо каби йўналишларда фаолият олиб бораётган спортчилар ҳам иштирок этишмоқда. Мусобақани ташкил қилишдан мақсад юқорида қайд этилган спорт турларида кашф этилган полвонларни дзюдога йўналтиришдир. Шу орқали Олимпия ўйинлари оиласига кирувчи дзюдода рақобатни ошириш мақсад қилиб қўйилган.

Бугун мусобақанинг очилиш маросими бўлиб ўтди. Баҳсларда юртимизнинг турли вилоятларидан ташриф буюрган 200 нафарга яқин спортчи ўз омадини синаб кўрмоқда.

Баҳслар эркаклар ўртасида -60, -66, -73, -81, -90, -100 ва +100кг вазн тоифаларида, аёллар ўртасида эса -48, -52кг, -57кг, -63кг, -70кг, -78кг ва +78кг вазн тоифаларида бўлиб ўтмоқда.

Мусобақада қайд этилаётган натижалар билан Миллий олимпия қўмитаси расмий сайтида танишишингиз мумкин бўлади.