"Реал" клуби "ПСЖ" ҳужумчиси Неймарга қизиқиб келаётганидан хабарингиз бор. Аммо, маълумотларга қараганда, мадридликлар ёзги трансфер пайтида бразилиялик футболчи учун 350 миллион ерво тўлашга тайёр эмас.
Аввалроқ матбуотда Неймарнинг трансфер нархи сифатида шундай сумма тилга олинганди. Ўтган ҳафтада томонлар ўртасида ҳужумчининг трансфери борасида музокаралар бўлиб ўтди. Мазкур учрашув қандай якун билан тамомлангани ҳақида ҳозирча маълумот йўқ.
Шунингдек, "Реал" ва "ПСЖ" клублари Неймар ва Роналдуни ўзаро алмашишлари мумкинлиги ҳақида ҳам хабарлар тарқалмоқда. Бунда "Қироллик клуби" парижликларга қўшимча маблағни тўлаб беради.