Молиявий назорат бўйича УЕФА тергов палатаси "ПСЖ"га нисбатан текширувларни тўхтатди.
"Бу қарорга трансфер шартномаларини чуқур ўрганиш ва мувофиқ ҳисоблар таҳлилидан сўнг келинди. Келишувлар лицезиялаш ва молиявий фэйр-плей қоидаларига тўлиқ мос келади.
2017 йилнинг ёзидан то ҳозирги вақтгача бўлган трансфер фаолиятининг молиявий оқибатлари, шунингдек, 2018 молиявий йил учун зарарсиз бўлиши талабларига риоя қилиш қатъий назорат остида бўлади ва яқин ҳафталар ичида чуқур ўрганилади", - дейилади УЕФА баёнотида.
Эслатиб ўтамиз, "ПСЖ" 2107 йилнинг ёзида 222 млн евро эвазига "Барселона"дан сотиб олинган ва "Монако"дан кейинчалик 180 млн еврога сотиб олиш шарти билан Килиан Мбаппени ижарага олган эди.
L’Equipe хабарига кўра, парижликлар кейинги йилда муаммоларга дуч келмаслик учун 30 июнга қадар ўйинчиларини 60 млн еврога сотсалар, кифоя.
