Хабарингиз бор, август ойида Жакартада Осиё ўйинлари старт олади. Ушбу нуфузли мусоақага слаломда эшкак эшиш бўйича Ўзбекистон терма жамоаси аъзолари ҳам жиддий тайёргарлик олиб бормоқдалар.
Спортчиларимиз айни пайтда Тошкент вилоятидаги «Угам» дарёсида машғулот ўтказмоқдалар. 9 июнда бошланган йиғинда тўрт нафар спортчимиз иштирок этмоқда. Улар мураббий Иззатилла Раҳматуллаев қўл остида Осиё ўйинларига тайёргарлик кўришмоқда.
Эслатиб ўтамиз, аввалроқ, слалом бўйича Ўзбекистон ўсмирлар терма жамоаси Тошкент денгизида ўқув-машғулот йиғинларини ўтказаётганлиги ҳақида хабар бериб ўтгандик.
