Испания термаси ва "Барселона" ҳимоячиси Жерар Пике "Атлетико" ҳужумчиси Антуан Гризманн ҳақидаги ҳужжатли фильми ҳақида фикр билдирди.

Гризманн Пике компанияси суратга олган фильмда "Барселона"га ўтмаслиги ва "Атлетико"да қолишини айтди.

"Барселона"га алоқадор бўлган инсонларнинг клубга бўлган муҳаббатим ва садоқатимга шубҳа қилганлари мени жуда ҳайратга солди. Ҳа, фильмни менинг компания суратга олди, аммо ғоя бир неча ой илгари туғилган эди.

Гризманн билан суҳбатлашдим. У "Барселона"га ўтиш варианти борлигини айтганди. Мен унга фильм суратга олмоқчилигимизни айтдим.

Шундан кейин то кечагача у билан суҳбатлашмаган эдик. Мен бу фильмни шахсан суратга олмаганман. Ҳал қилувчи кунда у менга фильм бугун чиқишини ва унда эълон қиладиган қарорини айтди. Шу, холос. Бу ерда ҳеч қандай нарса йўқ.

Биз ҳеч қандай масала ҳақида маслаҳатлашмагандик. Клуб билан бу борада гаплашганман, улар буни билар эдилар. Фильм учун икки хил якун суратга олганимиз бекор гап, буни ким тарқатган, билмайман.

"Барселона" ҳар қандай ўйинчидан муҳим. Агар бир футболчи келмаса, бошқачи келади.

Бартомеу билан гаплашдим, у ҳаммаси жойида эканини айтди. Мен ўзим ҳайратга тушдим, чунки Гризманн "Барселона"ни танлайди деб ўйлагандим", - дейди Пике.