Ispaniya termasi va "Barselona" himoyachisi Jerar Pike "Atletiko" hujumchisi Antuan Grizmann haqidagi hujjatli filmi haqida fikr bildirdi.

Grizmann Pike kompaniyasi suratga olgan filmda "Barselona"ga o‘tmasligi va "Atletiko"da qolishini aytdi.

"Barselona"ga aloqador bo‘lgan insonlarning klubga bo‘lgan muhabbatim va sadoqatimga shubha qilganlari meni juda hayratga soldi. Ha, filmni mening kompaniya suratga oldi, ammo g‘oya bir necha oy ilgari tug‘ilgan edi.

Grizmann bilan suhbatlashdim. U "Barselona"ga o‘tish varianti borligini aytgandi. Men unga film suratga olmoqchiligimizni aytdim.

Shundan keyin to kechagacha u bilan suhbatlashmagan edik. Men bu filmni shaxsan suratga olmaganman. Hal qiluvchi kunda u menga film bugun chiqishini va unda e’lon qiladigan qarorini aytdi. Shu, xolos. Bu yerda hech qanday narsa yo‘q.

Biz hech qanday masala haqida maslahatlashmagandik. Klub bilan bu borada gaplashganman, ular buni bilar edilar. Film uchun ikki xil yakun suratga olganimiz bekor gap, buni kim tarqatgan, bilmayman.

"Barselona" har qanday o‘yinchidan muhim. Agar bir futbolchi kelmasa, boshqachi keladi.

Bartomeu bilan gaplashdim, u hammasi joyida ekanini aytdi. Men o‘zim hayratga tushdim, chunki Grizmann "Barselona"ni tanlaydi deb o‘ylagandim", - deydi Pike.