"Челси" клуби ЦСКА яримҳимоячиси Александр Головинга қизиқиб қолди, дея хабар беради Британия ОАВ
Бундай вариант агар Маурицио Сарри "Челси" бош мураббий этиб тайинланса рўй бериши мумкин.
Evening Standard, хабарига кўра, италиялик мутахассисга россиялик футболчининг ўйини анчадан буён ёқиб келади. Агар у "Челси"ни бошқарса, Головинни қўшиб олиш учун барча ҳаракатларни амалга ошириб кўради.
Аввалроқ 22 ёшли футболчига "Ювентус" ва "Милан" клублари қизиқаётгани хабар қилинган эди. Головин ўтган мавсум ЦСКАда 43 ўйин ўтказиб, 7 та гол урган ва 6 голга тўп оширган.
