Ўзбекистон футбол ассоциацияси юртимизда малакали мураббийларни тайёрлаш, уларнинг савиясини мунтазам равишда ошириб бориш йўналишида бир қатор чора-тадбирларни амалга оширишда давом этмоқда.
Шу мақсадда ЎФА мутахассислари томонидан юртимизнинг турли вилоятларида ОФК ва ЎФАнинг мураббийлик лицензияларига эга мутахассисларнинг касбий малакасини аниқлаш бўйича семинарлар ташкил қилинаётгани ҳақида аввал хабар бериб ўтгандик.
Ана шундай семинарлардан бири Урганчда бошланди. Тадбирда Хоразм вилоятида мураббийлик билан шуғулланувчи футбол мутахассислари иштирок этишмоқда. Семинарнинг дастлабки кунида барча мураббийлардан билим ва кўникмалари бўйича имтиҳон олинди. Кейин амалий машғулотларга навбат берилади.
Имтиҳонлар натижалари кўра мураббийлик фаолияти билан шуғулланиш талабига жавоб бермайдиган мутахассислар тегишли мураббийлик сертификатлари ва лицензияларидан маҳрум қилинади.
Семинарни Ўзбекистон футбол ассоциациясининг мураббийлар тайёрлаш бўлими бошлиғи Шовкат Имамов олиб бормоқда.