Бразилия терма жамоаси ҳимоячиси Тиагу Силва Коста-Рикага қарши ўйинда (2:0) жамоадоши Неймар билан жанжаллашганини тан олди.
83-дақиқада тоза ўйин қоидасига амал қилиб тўпни коста-рикаликларга қайтаргани учун Силвани Неймар қаттиқ сўкди.
"Неймарнинг қилиғи мени хафа қилди. Мен тўпни рақибларга қайтарганимда, у мени ҳақорат қилди. Аммо мен ҳақ эдим деб ҳисоблайман. Ҳатто бизнинг вақтимиз тежалди. Бу биз ютишимиз мумкин бўлган вазият эмас эди. Ўзимни хотиржам тутдим, аммо бундай муносабатдан хафа бўлдим", - дейди Тиагу Силва.
Эслатиб ўтамиз, Неймар Силвадан 8 ёш кичик.
