Балҳаш шаҳрида бокс бўйича ўсмирлар ўртасида Аманбек Маканалиев, Ерлан Нокирбеков ва Жанат Сатенов хотирасига бағишланган мусобақа якунига етди.

Халқаро турнирда Ўзбекистон, Мўғулистон, Россия, Қирғизистон, Тожикистон ва Қозоғистон каби мамлакатларнинг 200 нафардан зиёд ёш боксчилари иштирок этишди.

Баҳсларда рингга чиққан бир қатор боксчиларимиз совриндорлар қаторидан ўрин олишди. -46кг вазн тоифасида юртимиз шарафини ҳимоя қилган Дилшод Абдувалиев олтин медални қўлга киритди. Шоҳруҳ Рўзибоев (-44кг), Руслан Абдуллаев (-57кг), Логин Петров (-66кг) кумуш, Шоҳжаҳон Абдуллаев (-80кг) эса бронза медали соҳибига айланди.

Чарм қўлқоп усталаримиздан Руслан Абдуллаев “Энг яхши техника”, Логин Петров эса “Ғалабага бўлган иродаси” учун махсус совринини қўлга киритишди.