Ўзбекистон футбол ассоциацияси томонидан юртимиздаги ҳакамлар савиясини ошириш ва футбол учрашувларида сифатли ҳакамликни таъминлаш учун бир қатор чора-тадбирларни амалга оширмоқда.

Жумладан, Суперлигада иштирок этаётган бош ҳакам ва ҳакамлар ёрдамчилари Енгил атлетика федерацияга қарашли югуриш йўлакчасида жисмоний тайёргарлик бўйича тест-синовлари топширишгани ҳақида аввал хабар бериб ўтгандик.

Айни кунларда ҳакамлар Дукентда назарий билимлар бўйича имтиҳонлар топширишмоқда. Назарий ва амалий машғулотлар 30 июнга қадар давом этади.