Грузия пойтахти Тбилиси шаҳрида эркин ва юнон-рум кураши бўйича Гран-При мусобақаси бўлиб ўтмоқда. Ушбу мусобақада ўзбекистонлик спортчилар ҳам иштирок этишмоқда.
Эътиборлиси, мусобақада -61кг вазн тоифасида юртимиз шарафини ҳимоя қилаётган Аббос Раҳмонов Туркия, Арманистон, Қозоғистон мамлакати спортчиларини мағлубиятга учратиб, финал йўлланмасини қўлга киритди. Энди у олтин медаль учун мезбонлар вакили Бека Ломтадзега қарши кураш олиб боради.
Бугунги беллашувларда Маҳмуд Шавкатов, Нодир Сафаров, Жаҳонгирмирзо Туробов, Сирожиддин Ҳасанов, Темурхон Усмонохунов, Бекзод Абдураҳмонов, Ихтиёр Наврўзов, Умиджон Исманов ва Абдурасул Ваҳобов каби полвонларимиз совринли ўринлар учун гиламга чиқадилар.
