Ўзбекистон Республикаси Президентининг ПҚ-3610-сонли “Футболни янада ривожлантириш чора-тадбирлари тўғрисида”ги қарорига асосан ташкил қилинган ҳудудий болалар ва ўсмирлар футбол академияларига қабулнинг биринчи босқичи 1 июль куни бошлангани хақида аввал хабар бериб ўтган эдик.
20 июль кунига қадар давом этадиган ушбу синов имтихонларида бугунга қадар минглаб иқтидорли болалар иштирок этишмоқда. Эслатиб ўтамиз, ҳар бир ҳудуд, яъни вилоят аҳолиси фақатгина ўзининг вилоятидаги ҳудудий академияга хужжат топшириши мумкин. Биринчи босқич имтиҳонларида қатнашишни истаган болалар ўзлари билан туғилганлик ҳақида гувоҳнома ҳамда соғлиғи тўғрисида маълумотнома (086 форма) олиб келишлари керак бўлади.
1-босқичда синовлари фақатгина футбол ўйинидан иборат бўлиб, болалар жамоаларга бўлинган ҳолатда футбол ўйнашади. Бошқа ҳеч қандай махсус талаблар мавжуд эмас. Футболчилар бевосита ўйин давомида ўз иқтидорларини намойиш қилишади. Мураббийлар томонидан танлаб олинган иқтидори бор болалар, 2-босқичда иштирок этишлари мумкин бўлади.
Ҳудудий болалар ва ўсмирлар футбол академияларига қабулнинг биринчи босқичи барча вилоятлар бўйлаб давом этмоқда.
Қуйида Андижон ҳудудий болалар ва ўсмирлар футбол академиясига қабул жараёнидан олиган суратлар эътиборингизга ҳавола қилинади.
