Хорватиялик режиссёр 1990 йилда бўрилар ҳақида фильм ишлайди. Кадрга 5 ёшли Лука Модрич тушиб қолган.
Бу болакай орадан 28 йил ўтиб, Хорватия терма жамоасини ЖЧ финалига олиб чиқди.
Хорватиялик ҳужжатли фильмлар режисёри Павел Баленович 80-йиллар охирида Модричлар яшайдиган қишлоқ ёнида бўрилар ҳақида фильм ишлайди. Қишлоқ Виелибит тоғи яқинидаги Задар шаҳридан 40 км узоқда жойлашган. Яқинда режиссер фильмни YouTube га жойлади ва унда ишониб бўлмас нарсани топди: отасининг курткасида эчки боқиб юрган 5 ёшли болакай - бу Лука Модрич эди.
"Эски тош йўлдан жануброқда Модричларни уйи бор эди. Улар жуда хушмуола одамлар эди. Мен тоғлардаги суратга олиш ишларидан сўнг уларнинг уйида меҳмон бўлгандим - эчки боқаётган дўстим ва унинг ўғлини суратга олдим. Бу 1990 йилда, уларнинг уйини бузган уруш бошланишидан олдин бўлган эди", - эслайди Баленович.
Луканинг бобосини тез орада серблар отиб кетишади, оила қочади ва Баленович уларни бошқа кўрмади. Аммо эчки боқиб юрган болакай 15 йилдан сўнг кадрларда кўпроқ кўрина бошлайди, бу тасодиф эмас.
