Ўзбекистон футбол ассоциацияси томонидан болалар орасида футболни тарғиб қилиш, янада оммавийлаштириш билан бир қаторда уларга тарихий сиймоларимизни яқиндан таништириш мақсадида ҳудудларда улуғ алломаларимиз, буюк тарихий шахслар номи билан мусобақалар ташкил қилинаётгани ҳақида аввал хабар бериб ўтгандик.
Куни кеча Фарғонада “Ал Фарғоний” Кубоги бўлиб ўтган бўлса, айни кунларда Самарқандда буюк бобокалонимиз Амир Темур хотирасига бағишланган «Амир Темур Кубоги» мусобақаси бўлиб ўтяпти.
2008 йилда таваллуд топган футболчилар ўртасидаги турнирда 12та жамоа бош соврин учун кураш олиб боришяпти. ЎФА болалар ўртасида ўтказилаётган мусобақаларда фақат футбол билан чекланиб қолмай, ёшларни дунёқарашини кенгайтиришни ҳам мақсад қилган. Ўзбекистон тарихини яқиндан таништириш ва яшаётган замини қанчадан -қанча буюк мутафаккирларга бой бўлганини англатиш йўлидаги илк қадами сифатида, кеча болажонлар учун Самарқанднинг тарихий обидаларига зиёрат уюштирилди. Самарқанд ФА ва вилоят ҳокимлиги билан ҳамкорликда ўтказилган тадбирда 100 нафардан ортиқ бола иштирок этди. Аввало, Регистон, кейин Гўри Амир мақбараси зиерат қилинди. Шу билан бирга Ўзбекистоннинг 1-Президенти Ислом Каримов ҳайкали ўрнатилган боғда ҳам маданий кеча ташкил қилинди.
Эртага мусобақанинг финал учрашуви бўлиб ўтади. Унда «Одил Жуниор» жамоаси Наманганнинг “Навбаҳор” клубига қарши баҳс олиб борадилар. Бухоронинг БЎСМ28 ва Гулистон клублари бронза медалларига эга чиқдилар.
Кубок топшириш маросими мусобақанинг номига монанд “Амир Темур” ҳайкали қаршисида бўлиб ўтади.
"Реал"нинг Мбаппе билан шартномаси муддати ўзгарди, у тезда эълон қилинади [7422]
"Реал" – "Бавария" баҳси ғолиби тахмин қилинди [7213]
Винисиус "Барса"га "тош отди" [7099]
Аббос Файзуллаев гол урган ўйиннинг сўнгги дақиқасида ЦСКА ғалабани қўлдан чиқарди (видео) [3334]
Дунёнинг энг кучли мураббийлари рейтингги эълон қилинди [3142]
Қозоғистонлик миллиардер инглиз клубининг 90 фоиз акциясини сотиб олди [2865]
Sport TV'да 7-май куни 3 та жонли футбол трансляцияси бор [2376]
Футзал. Ўзбекистон терма жамоаси рейтингда 11-ўринга кўтарилди [2218]