Ҳиндистоннинг Нью-Деҳли шаҳрида спорт курашлари бўйича ёшлар ўртасидаги Осиё чемпионати бўлиб ўтмоқда.
Унда ўзбекистонлик спортчилар ҳам муваффақиятли иштирок этишмоқда. Бунгача вакилларимиз юнон-рум ва аёллар кураши бўйича медаллар қўлга киритишгани ҳақида хабар бергандик.
Бугун мусобақа доирасида эркин кураш бўйича баҳслар бўлиб ўтди. -57кг вазн тоифасида юртимиз шарафини ҳимоя қилаётган Ғуломжон Абдуллаев Қирғизистон ва Хитой вакилларини мағлуб этиб, финалга йўл олди. Ҳал қилувчи жангда эса у ҳиндистонлик Навин Навинга қарши гиламга чиқди ва рақибини мағлуб этиб, олтин медаль соҳибига айланди.
Шунингдек, -79кг вазн тоифасидаги Муҳаммадрасул Раҳимов бронза медали учун жангда Жанубий Корея вакили Донгмин Шинни мағлуб этиб, совриндорлар қаторидан жой олди.
Эслатиб ўтамиз, шу кунгача спортчиларимиздан юнон-рум кураши баҳсларида Темурмирзо Мамажонов (олтин), Камол Қўзиев (кумуш), Маҳмуд Баҳшиллоев (бронза), Тўрабек Тиркашев (бронза), аёллар курашида эса Набира Есенбаева (кумуш) ва Баҳтигул Балтаниязова (бронза) совриндорлар қаторидан жой олгандилар.
