Мамлакат миллий чемпионатининг 20-туридан кейин футболчиларга тўрт кунлик таътил берилганди. 6 август санасидан эътиборан “Металлург” футболчилари Суперлиганинг навбатдаги тур учрашувига тайёргарликни бошлаб юборишди.

Футболчилар Қибрай ўқув-машғулот масканида машғулотларни  олиб боришмоқда. “Қизилқум” билан бўладиган ўйин олдидан “Металлург”да баъзи йўқотишлар бор. Жамоа ҳужумчиси Забихилло Ўринбоев ҳамда ҳимоячимиз Аббосжон Отахоновлар Индонезияда ўтказиладиган Осиё ўйинларида мамлакатимиз шарафини ҳимоя қилишга сафарбар этилган бўлса, сариқ карточкаларнинг йиғилиб қолиши ярим ҳимоячи Муҳаммад Исаевнинг ҳам бу турда майдонга чиқишига монелик қилади. Яна бир ярим ҳимоячи Суҳроб Нуруллоев эса Вьетнамда ўтказилаётган турнирда Ўзбекистон олимпия терма жамоаси шарафини ҳимоя этмоқда. Тез орада унинг сафардан қайтиб, йиғинларга қўшилиши кутиляпти. Қолган барча футболчилар бўлажак учрашувга жиддий тайёргарлик олиб боришмоқда.

“Металлург” клуб матбуот хизмати.