Грециянинг ПАОК клуби хўжайини Иван Саввиди ЕЧЛ 3-саралаш босқичида икки ўйин натижасига кўра, Москванинг "Спартак" клуби устидан қозонилган ғалабадан сўнг (3:2, 0:0) фикрларини билдирди.
- Жамоангиздан хурсандмисиз?
- Албатта! "Спартак"дан ҳақиқтан устун келганимиздан мамнунман. Алоҳида айтиб ўтишни истардимки, биринчи ўйиндан сўнг улар ҳам, биз ҳам ўзимизни жуда ёмон тутдик. Шунчалар ахлат ағдарилдики, бу бизни ҳам, рақибимизни ҳам яхши кўратмайди. Аммо тан оламан - мен "Спартак"нинг тўлиб тошган ўз стадионида хўрланишини истагандим. Натижада у хўрланди ҳам.
- Мухлислар ПАОКнинг "автобус" қўйганини ёзишмоқда.
- Истаганини ёзишсин. Биз "Спартак"ни чемпионлар лигасидан чиқариб юбордик ва йўлимизда давом этамиз.
- Рақиб ўйин давомида дарвоза томон бир марта ҳам аниқ зарба бергани ғалати бўлдими?
- Такрорлашим мумкин: менга "Спартак"нинг тўлиб тошган ўз майдонида хўрлангани ёқди, - дейди Саввиди.
