"Реал" клуби ва Бразилия терма жамоасининг собиқ ҳужумчиси Кака португалиялик Криштиану Роналду билан мадридликлар сафидаги ўйинларини эслади.

"Криштиану билан бирга ўйнаш зўр эди, унга қарши ўйнаш ҳам ёқар эди. У доим мусобақалашишга интилади ва ғолиб чиқишни истайди.

Мадридда ўтказган кунларим ёқимли бўлган. Криштиану билан яқин эдик, бу барча жамоадошлар билан ҳам бўлавермайди. Аввал бошидан биз - Пепе, Марсело, Криштиану ва мен, португал тилида гапирувчилар яхши дўст эдик.

Роналду – дўстона ва муомалали инсон. "Ювентус" уни қўшиб олиб тўғри қилди. У меҳнати ва профессионаллиги билан яна узоқ вақт давомида энг яхшилардан бири бўлиб қолади", - дейди Кака.