Ўзбекистон миллий терма жамоаси шу йилнинг сентябрь ойидаги ФИФА кунларида Сурия ва Эрон миллий терма жамоаларига қарши ўртоқлик ўйини ўтказиши ҳақида аввал хабар бериб ўтгандик. Мазкур ўртоқлик ўйинлари учун аккредитация жараёни бошланганини маълум қиламиз.

Ўзбекистон профессионал футбол лигасининг Суперлига ўйинларига кириш ҳуқуқини берувчи аккредитациясига эга бўлган журналистлар Сурия ва Эронга қарши ўртоқлик ўйинлари учун аккредитацияга ҳужжат топширишлари шарт эмас. Улар Ўзбекистон – Сурия учрашувидан олдин ташкил қилинадиган матбуот анжуманида ПФЛ аккредитациясини кўрсатган ҳолда ўртоқлик ўйинлари учун чиқарилган аккредитацияни олишлари мумкин.

ПФЛ аккредитациясига эга бўлмаган, аммо ўртоқлик учрашувларини бевосита стадионнинг ўзида ёритишни мақсад қилган барча турдаги ОАВ вакиллари ўз ташкилотлари номидан расмий бланкадаги хатни ва журналистлар рўйхатини 1 сентябрь кунига қадар ЎФА матбуот хизмати электрон почтасига (info@ufa.uz) жўнатишлари талаб этилади.