Осиё Ўйинлари-2018. Каратэ. Бугун медаль қўлга киритамиз

Индонезияда давом этаётган Осиё Ўйинларининг каратэ мусобақасининг бугунги баҳслари якунига етиб бормоқда.

Тонгги беллашувлар вакилларимиз учун омадсиз кечди. 68 кг.гача бўлган вазнда қатнашаётган Дилдор Аннадурдиева қозоғистонлик Гузалия Ғафуровага ютқазиб қўйди — 0:3. Қозоқ каратэчиси финалга чиққани боис, Дилдор бронза медали учун курашиш имкониятига эга бўлди. Аммо ўтиш жангида у эронлик Пегаҳ Зангенаҳкаркутига ютқазди (0:3).

Эркакларнинг 75 кг. вазнида Достонбек Отаболаев 1/16 финалдаёқ БААлик Ал-Нажжарга имкониятни бой берди.

Кундузги баҳслар эса биз учун омадли кечди. 84 кг. вазнда Шаҳбоз Аҳатов 1/8 финалда қирғизистонлик Гианжали Аббосовни 8:1, чорак финалда ҳиндистонлик Вишални 8:0 ҳисобида доғда қолдирди. Финал йўлланмаси учун жангда ҳамюртимиз япониялик Арага Рютарога 2:3 ҳисобида ютқазди. Шаҳбоз бронза медали учун тайпейлик Ву Чен Вейга қарши даянга чиқади.

Аёллар ўртасида 50 кг. вазнда қатнашаётган Бахринисо Бобоева финалга чиқишга муваффақ бўлди. У дастлаб филиппинлик Жунна Тсукини 2:1, чорак финалда БААлик Ҳавра ал-Ажмийни 5:1, ярим финалда таиландлик Раксачарт Павинани 1:0 ҳисобида мағлуб этди. Бахринисо чемпионлик учун Хитой Тайпейи вакили Гу Шиаушуангга қарши даянга чиқади.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

23/12 00:45	Монца	1-2	Ювентус
23/12 01:00	Бетис	1-1	Райо Вальекано
23/12 22:30	Фиорентина	1-2	Удинезе
24/12 00:45	Интер	2-0	Комо

Осиё Ўйинлари-2018. Каратэ. Бугун медаль қўлга киритамиз

ЭНГ КЎП ЎҚИЛГАН ЯНГИЛИКЛАР