Япониянинг "Виссел Кобе" клуби яримҳимоячиси Андрес Иньеста "Барселона" таркиби ва Лионель Мессининг етакчилик сифати ҳақида фикр билдирди.
"Барселона" кучли жамоа, унда ажойиб футболчилар тўпланган. Раҳбарият ёзда ёш ва тажрибали футболчиларни харид қилди. Умид қиламанки, жамоа мавсум охиригача ҳар бир мусобақада ғолиб чиқиш имкониятини сақлаб қолади.
Месси доим етакчи, ҳатто сардорлик боғичини тақмай майдонга тушса ҳам. Лео жамоани бошқариш учун жуда муносиб. Бундан ташқари, у Аргентина термаси сардоридир, шунинг учун унга менинг маслаҳатларимнинг кераги йўқ", - дейди Иньеста.
