Индонезияда давом этаётган Осиё ўйинлари мусобақасининг кураш спорт тури бўйича ўзбек полвонлари делегация ҳисобига медаллар тақдим этишни давом этишди.
Жумладан, +90кг вазн тоифасида Муҳсин Ҳисомиддинов эронлик Жафар Паҳлавонижагҳарга қарши жангда ғалаба қозонди ва олтин медаль соҳибига айланди.
Эслатиб ўтамиз, аввалроқ икки ўзбек курашчиси финалга чиққан баҳсда Маъруф Ғайбуллоевнинг қўли баланд келиб, Руслан Бўриевни мағлуб этганди.
Шундан сўнг, Маъруф Ғайбуллоев Осиё ўйинларининг олтин медалини қўлга киритди. Руслан Бўриев эса кумуш медални терма жамоа ҳисобига қўшиб қўйган эди.
