Мадриднинг “Реал” клуби Мариано Диасни расман таништирди.

Футболчи мадридликлар сафида 7-рақамда тўп сурадиган бўлди. Бунгача бу рақам Криштиану Роналдуга тегишли эди.

Эслатиб ўтамиз, аввал бу рақамда мадридликлар сафида Раймон Копа, Амансио Амаро, Хуанито, Эмилио Бутрагеньо ва Раульлар тўп сурган.

25 ёшли испаниялик футболчи “Реал” тарбияланувчиси ҳисобланади. Ўтган мавсумни у “Лион” сафида ўтказган. Бу йил эса, жамоа уни қайтариб сотиб олди.

Ўтган мавсум у 37 та учрашувда майдонга тушиб, ўз ҳисобига 18 та гол ва 5 та голли пас ёздириб қўйган.