Ўзбекистон ҳамда Эрон ўртасида кечган ўртоқлик учрашувида ҳамюртларимиз мағлубиятга учрашди.
Учрашувнинг биринчи бўлимида терма жамоамиз эронликларга қарши муносиб тарзда ўйнашди.
Биз бир-нечта ҳужумларни амалга оширдик бироқ, барчаси самарасиз тарзда якунланди. Биринчи бўлимни нисбатан яхши ўтказдик. Бироқ иккинчи бўлимда футболчиларимиз чарчаб қолганликлари яққол кўриниб қолди.
Иккинчи бўлимда Купер кўплаб янги футболчиларни майдонга тушурди. Аммо, бу футболчилар ўйинга унчалик яхши киришиб кетолмади.
Бу айниқса Марат Бикмаев ўрнига майдонга тушган Игорь Сергеевда кўринди. Иккинчи бўлимда рақиб бизни ҳужумлар бўрони билан сийлади десак муболаға бўлмайди. Шу ҳужумлардан сўнг Маҳдий Туробий 67-дақиқада ўйиндаги ягона голни уришга муваффақ бўлди.
Шундан сўнг, ҳам терма жамоамиз кетма-кет хатоларга йўл қўйишни ва ҳимояга ётиб олишни тўхтатмади.
Биз голдан сўнг руҳан синиб қолдик. Аммо, ўйин сўнггида бир-иккита хавфли вазиятларни юзага келтирдик. Бироқ, афсуски мувозанатни тенглатира олмадик. Шундай тарзда, Эктор Купер қўл остидаги Ўзбекистон илк мағлубиятни қаршилаб олди.
11 сентябрь, Тошкент. "Миллий" стадиони
Ўзбекистон - Эрон - 0:1
Гол: Маҳдий Туробий (67)
Ўзбекистон: Элдорбек Суюнов, Виталий Денисов (Владимир Козак, 72), Анзур Исмоилов, Ислом Тўхтахўжаев, Фаррух Сайфиев, Одил Аҳмедов, Отабек Шукуров, Элдор Шомуродов (Санжар Турсунов, 46), Марат Бикмаев (Ҳусниддин Ғофуров, 46), Сардор Рашидов (Сардор Собирхўжаев, 56), Темурхўжа Абдухолиқов (Игорь Сергеев, 46)
Эрон: Амир Обидзода, Муртазо Пуралиганжий, Мажид Ҳусайний (Пежман Мунтазирий, 62), Вурия Ғофурий (Содиқ Муҳаррамий, 46), Милод Муҳаммадий, Саид Иззатуллоҳий (Масъуд Шожаий, 69), Умид Иброҳимий, Ашкон Дежоға (Сомон Қуддус, 46), Али Қулизода, Алиризо Жаҳонбахш (Маҳдий Туробий, 46), Карим Ансорифард (Маҳдий Туробий, 64).
