13 сентябрь куни Самарқандда байдарка ва каноэда эшкак эшиш бўйича Ўзбекистон Кубогининг иккинчи босқичига старт берилади.

Беллашувларда Қорақалпоғистон Республикаси, вилоятлар, Тошкент шаҳри терма жамоалари, спорт мактаблари ва муассасалар, спорт коллежлари вакиллари иштирок этадилар.

Эркаклар ўртасида 200, 500, 1000 метр масофаларга баҳслар ташкил қилинади. Унда спортчилар К-1, К-2, С-1, С-2 қайиқларида куч синашадилар. К-4, С-4 қайиқлардаги беллашувлар эса 1000 ва 200 метр масофаларга ўтказилади.

Аёллар ўртасидаги мусобақалар эса К-1, К-2 қайиқларида 200, 500, 1000 метр масофаларга бўлиб ўтади. К-4, С-1, С-2 қайиқларида эса 200 ва 500 метр масофага беллашувлар ташкил қилинади.

Республика Кубоги доирасида параканоэ мусобақалари ҳам режалаштирилган. Бу йўналишда аёллар КL-2, КL-3 қайиқларида 200 метр масофага ўзаро баҳслашадилар. Эркаклар эса К-1 ва С-1 қайиқларида худди шундай масофада кураш олиб борадилар. Мусобақа 16 сентябрга қадар давом этади.