Таниқли журналист, "Ювентус" ҳужумчиси Криштиану Роналдунинг биографи Гильем Балаге португалиялик юлдузнинг мадридликлар сафини тарк этишидаги вазиятни эслади.

"Роналду "Юве"даги ҳар бир ўйинчининг ишончини қозонишни истамоқда. Чунки "Реал"даги охирги вақтларда бундай далдани ҳис қилмаган эди. У шундай ишонч қидириб Италияга келди. БУ ерда уни нафақат "Ювентус" мухлислари, балки Италия футболига алоқадор барча катта қучоқ кутиб олди.

Роналду ўсаётган даврда унинг отаси бўлмади, у фаолияти давомида ўзига ўрнак бўладиган инсон қидирди - сэр Алекс Фергюсондан агент Жоре Мендешгача. Италияда мухлисларнинг илиқ муносабатлар бу ҳиссий бўшлиқни тўлдирди. У якдил меҳр-муҳаббатни истади, аммо Флорентино Перес буни тушунмади. Аллегри унга ота ўрнини боса олмайди, аммо у ҳал қилувчи вазиятларда унга ёрдам бера олади", - деб ёзади Балаге.