"Манчестер Юнайтед" клуби бош мураббийи Жозе Моуриньо ва яримҳимоячи Поль Погба ўртасидаги баъзи воқеалар маълум қилинди.
Мураббий футболчини жамоанинг иккинчи сардорлигидан бўшатган эди.
Daily Mail хабарига кўра, француз футболчиси португлаиялик мураббий билан ўзаро суҳбатида жамоани тарк этишини айтган. Бу Моуриньо қарорида муҳим роль ўйнаган.
Шунингдек, Моуриньо футболчининг ҳаракатларидан норози бўлган. Уўтган дам олиш кунлари "Вульверҳэмптон"га қарши ўйин олдидан жамоа аъзолари автобус ичида диққатларини ўйинга қартган маҳалда Погба баланд овозда мусиқа қўйган.
Шунингдек, "Бёрнли"га қарши ўйиндан сўнг ҳалқаро ўйинлар танаффуси олдидан барча ўйинчилар автобусда отелга отланганларида, Погба шахсий ҳайдовчи билан аэропортга кетиб қолган.
