"Челси" бош мураббийи Маурицио Сарри жамоа ҳимоячиси Давид Луиз ҳақида фикрларини билдирди.

"Айтишим керакки, у мен ўйлагандан яхшироқ экан. Анча яхши. Инсон ва футболчи сифатида ҳам. Билмадим бу ерда менгача нималар содир бўлган, аммо бу ерга келибоқ, унинг кўнглимдагидек футболчи эканини кўрдим, у техникаси зўр марказий ҳимоячиси.

Кейин уни инсонийлик сифатларига гувоҳ бўлдим. У дангалчи. Агар у мураббийга нимадир демоқчи бўлса, буни мен билан албатта муҳокама қилади. У олдимга келади ва биз суҳбатлашамиз. Бу Контега ёққанми, билмадим, аммо менга дангалчи одамлар ёқади.

У мавсум олдидан боши берк кўчада эди: икки йил аввал бош ҳимоячи бўлган, кейин ярим йил ўйнамаган, буни ранжитган. У ўз характери билан менинг футболимга мос тушади.

У ҳимоядан ҳужум бошлашни уддалай олади. У менга жуда мос", - дейди Сарри.