"Наполи" ҳужумчиси Аркадиуш Милик ЕЧЛ доирасида "Ливерпуль" билан учрашувдан сўнг безорилар ҳужумига учради.
Воқеа тунги соат 2 да Неаполь шаҳри яқинидаги Жульяно-ин-Кампанья шаҳрида бўлди, поляк футболчиси айни пайтда шу шағарда яшайди.
Миликнинг автомашинасига скутерда икки номаълум шахс яқинлашди. Улардан бири футболчига тўппонча ўқталди ва 7 000 евролик Rolex соатини талаб қилди. Футболчи соатини ечиб берди.
Безорилар шундан сўнг воқеа жойидан ғойиб бўлишди. Неаполь полицияси суриштирув бошлаган.
Аввалроқ Неаполда Марек Ҳамшик, Лоренцо Инсинье, Эсекиль Лавесси, Эдисон Кавани ва бошқа футболчилар шундай ҳужумга учраганлар.
