"Реал" ҳимоячиси Начо жамоасининг 4 ўйиндан иборат ғалабасиз ва голсиз сериясига шарҳ бераётиб, бош мураббий Хулен Лопетегини қўллаб-қувватлади.
"Мавсум стартида кўп гол урдик. Ҳеч ким "Ювентус"да гол ура олмаётган Роналдуни эсламаган эди. У "Реал"дан кетганидан сўнг гол ура олмаётгани ҳақида гапирилди. Футболда ҳамма нарса ўзгаради
Криштиану биз учун жуда муҳим ўйинчи эди. У бир мавсумда 50 талаб гол урарди, аммо ўтмишни эслаб йиғламаслигимиз керак. Ихтиёримизда бори билан олдинга интилишимиз керак. Бизда яхши таркиб бор, ҳаммасига тайёрмиз.
"Реал"да мағлуб бўлсангёки дуранг ўйнасанг - сенда инқироз. Агар бу тўрт ўйинга чўзилса - бўлди, тамом.
Футболчилар ўлимгача мураббий билан бирга. Биз хотиржаммиз. Бизда бундан ҳам ёмон ҳолатлар бўлган, аммо куч топиб, олдинга интилганмиз", - дейди Начо.
