Лондоннинг “Челси” клуби жамоа ҳимоячиси Маркос Алонсо билан шартномасини узайтирмоқчи. Испаниялик ҳимоячи ўзининг жамоадаги келажаги ҳақида гапирди.

“Мен “Челси”даги ўйнимдан қониқяпман. Жамоа билан яна икки йил шартномам бор, бироқ ҳозир улар менга янги шартнома таклиф қиляпти.

Музокаралар давом этяпти. Агар ҳаммаси муваффақиятли якун топса, янги шартнома имзолайман”, дейди Алонсо.

Эслатиб ўтамиз, жорий мавсум футболчи 8 та учрашувда майдонга тушган. Ҳимоячи 1 та гол уриб, 5 та голга ассистентлик қилди.