Ўзбекистон ва КХДР терма жамоалари ўртасидаги ўртоқлик учраўшувидан сўнг кореяликлар устози Ким Йонг Жун журналистларнинг саволларига жавоб берди.
"Шогирдларим ўйинни у қадар ёмон ўтказдилар, деб ўйламайман. Ҳимоядаги хатоларимиз ва ҳужум уюштиришдаги айрим камчиликларимиз бугунги учрашувдаги мағлубиятимизга сабаб бўлди. Бугунги учрашувда керакли хулосаллар чиқаришга ҳаракат қиламиз.
Биз жорий йил ҳисобидан биринчи ўртоқлик учрашувимизни ўтказдик. Биринчи бўлимда гол ўтказиб юбордик, балки шу гол ўйинчиларимизнинг руҳиятига салбий таъсир қилди, бу нарса диққатни жамлашга ҳалақит берди.
Айтиб ўтганимдай, биз анчадан буён ндигина ўртоқлик учрашуви ўтказдик, бу учрашув учун йиғилганимизга ҳам бир неча кун бўлди. Бугунги ўйинда иштирок этган футболчиларимиз бир неча кун олдин ОФК кубогида ўз жамоалари сафида майдонга тушишган, шунинг учун тўлиқ куч билан ўйнай олишмагандирлар. Қолаверса, бугун натижа учун эмас, тактик жиҳат борасида ишлашга ҳаракат қилдик. Шу сабабдан рақиб яхшироқ ўйнади ва Ўзбекистон терма жамоаси ғалабани қўлга киритди", - дейди Ким Йонг Жун.
