O‘zbekiston va KXDR terma jamoalari o‘rtasidagi o‘rtoqlik uchrao‘shuvidan so‘ng koreyaliklar ustozi Kim Yong Jun jurnalistlarning savollariga javob berdi.

"Shogirdlarim o‘yinni u qadar yomon o‘tkazdilar, deb o‘ylamayman. Himoyadagi xatolarimiz va hujum uyushtirishdagi ayrim kamchiliklarimiz bugungi uchrashuvdagi mag‘lubiyatimizga sabab bo‘ldi. Bugungi uchrashuvda kerakli xulosallar chiqarishga harakat qilamiz.

Biz joriy yil hisobidan birinchi o‘rtoqlik uchrashuvimizni o‘tkazdik. Birinchi bo‘limda gol o‘tkazib yubordik, balki shu gol o‘yinchilarimizning ruhiyatiga salbiy ta’sir qildi, bu narsa diqqatni jamlashga halaqit berdi.

Aytib o‘tganimday, biz anchadan buyon ndigina o‘rtoqlik uchrashuvi o‘tkazdik, bu uchrashuv uchun yig‘ilganimizga ham bir necha kun bo‘ldi. Bugungi o‘yinda ishtirok etgan futbolchilarimiz bir necha kun oldin OFK kubogida o‘z jamoalari safida maydonga tushishgan, shuning uchun to‘liq kuch bilan o‘ynay olishmagandirlar. Qolaversa, bugun natija uchun emas, taktik jihat borasida ishlashga harakat qildik. Shu sababdan raqib yaxshiroq o‘ynadi va O‘zbekiston terma jamoasi g‘alabani qo‘lga kiritdi", - deydi Kim Yong Jun.