Испания ЛаЛигасининг 9-турида “Реал Мадрид” ўз майдонида Левантега 1:2 ҳисобда мағлуб бўлди. Мағлубиятга учраган Реал бир нечта нохуш кўрсаткичларни қайд этди.

Жумладан, Реал Левантега қарши баҳсда 13 дақиқа ичида ўз дарвозасидан 2 та гол ўтказиб юборди. Мадридликлар билан бундай ҳолат сўнгги бор 28 йил олдин содир бўлганди. Жамоа 1990 йил апрелида ЛаЛига доирасида “Логроньес” клуби билан 3:3 ўйнаганди.

Шунингдек, “Реал” кетма-кет 5 ўйинда ғалаба қозона олмаяпти. Бундан ташқари, клуб 9 йил ичида илк марта учта учрашувда кетма-кет мағлуб бўлди. “Леванте”га қарши баҳсда “Реал” ўзининг голсиз рекорд сериясини ўрнатди. Жамоа 480 дақиқа майдонда гол ура олмади. Бу серияни Марсело бузишга эришди.

Маълумот учун,“Реал Мадрид” ҳисобида айни дамда 14 очко мавжуд.