"Реал" бош мураббийи Хулен Лопетеги қониқарсиз натижалар туфайли вужудга келган истеъфо ҳақидаги миш-мишларга изоҳ берди.
"Мен ҳар кунгидек, ўз ишимни бажаряпман, бу мен назорат қила оладиган иш. Агар мағлуб ва тушкун кайфиятдаги мураббийни кўрмоқчи бўлсангиз, бу томонга қараманг.
Ҳозир эртанги ўйин ҳақида ўйлаяпман - бошқа ҳеч нарса ҳақида. Охирги машғул бўлган ишларим - тайёргарлик ва рақибни ўрганиш бўлди, бу менинг вазифам. Ҳозир айта оладиган сўзим - мен ҳозир шу ердаман. Эртага ҳам "Реал" мураббийиман", - дейди Лопетеги.
Эртага, 23 октябрь куни "Реал" ЕЧЛ гуруҳ босқичи доирасида "Виктория Пльзен" билан ўйнайди.
