"Ювентус"нинг собиқ бош директори Жузеппе Маротта январь ойида "Интер"даги худди шу лавозимида иш бошлаши мумкин, дея хабар беради Calciomercato.
Манбага кўра, мутахассис охирги ҳафталарда миланликлар билан фаол музокаралар олиб борган ва келишув амалга ошишига яқин қолган. Маротта учун курашда "Интер" "Милан"ни ортда қолдирмоқда. Италиялик функционерга "Манчестер Юнайтед", "Арсенал" ва "Реал" клублари ҳам қизиқиш билдирганлар.
Эслатиб ўтамиз, 61 ёшли мутахассис сентябрь ойи охирларида "Ювентус"ни тарк этди. Маротта туринликлар билан 8 йил ишлади ва бу вақт даомида клуб 7 марта Италия чемпиони бўлди ва 2 марта ЕЧЛ финалига етиб борди.
