Англиянинг “Тоттенхэм” клуби 2018 йилдаги қолган барча ўйинларни “Уэмбли” стадионида ўтказади. Лондонликларнинг янги стадионга кўчиши муддатлари номаълум муддатга сурилмоқда.
“Афсуски, янги стадиондаги илк ўйин муддатини айта олмайман. Қурувчилар муддатни чўзишмоқда. Биз уларга босим ўтказяпмиз, бироқ стадионнинг қачон тайёр бўлиши номаълум”, - дейди клуб президенти Дэниэль Леви.
Шу билан бирга Леви “Тоттенхэм”нинг ўз майдонидаги “Вулверхэмптон” жамоасига қарши ўйинни ҳам “Уэмбли”да ўтказилишини айтиб ўтди ва кечирим сўради.
