“Реал” раҳбарияти “Барселона”дан учраган мағлубиятдан сўнг мураббийни ўзгартиришга қарор қилди.

Onda Cero радиостанциясининг хабар беришича, “қаймоқранглилар” бугун амалдаги мураббий Хулен Лопетегини истеъфога чиқариб, эртага Антонио Контени бош мураббий сифатида эълон қилади.

Эслатиб ўтамиз, бугун “Реал” Испания чемпионатидаги ғалабасиз сериясини давом эттирди.

Мадридликлар “Барселона”дан йирик 1:5 ҳисобида мағлубиятга учрашди ва Ла лигадаги ғалабасиз сериясини бештага етказди. “Реал”нинг Ла лигадаги сўнгги ғалабаси 22 сентябрь куни “Эспаньол” билан ўйин (1:0) да содир бўлганди.

Ўша ўйиндан сўнг мураббий Хулен Лопетеги бошчилигидаги жамоа бир марта дуранг ўйнади ва тўрт марта мағлуб бўлди.