«Манчестер Сити» ярим ҳимоячиси Кевин де Брюйне Англия лига кубогининг 1/8 финал босқичи доирасида бўлиб ўтган «Фулхэм»га қарши баҳснинг (2:0) охирига қадар ўйнай олмади.
Учрашувнинг 86-дақиқасида бельгиялик футболчи жароҳат туфайли захирага олинди. Футболчи майдонни оқсоқланганча тарк этар экан, чап оёғининг тиззасини қўли билан ушлаб олганди.
Де Брюйне август ойида ўнг оёғининг тиззасидан жароҳат олиб 2 ой давомида майдондан ташқарида қолганди. У жароҳатидан фориғ бўлганидан кейин эндигина "Сити"нинг иккита ўйинида бошланғич таркибда майдонга тушганди.