Ўзбекистон Суперлигаси 30-турида “Сўғдиёна” Фарғонада “Нефтчи” га қарши баҳс олиб боради. Жиззахликлар бугун сафар олдидан ўз майдонларида машғулот ўтказди.
Шохруз Норхонов дисквалификация муддати якунланди ва у “Нефтчи” га қарши баҳсда жамоага ёрдам бера олади. Шунингдек, жароҳати сабаб АГМК га қарши баҳсни ўтказиб юборган Тохир Шамшитдинов ҳам умумий гуруҳ билан машғулот ўтказмоқда. Ёшлар лигаси баҳсида 3 та ўйинга четлатилган Шохжаҳон Хасанов ҳам дисквалификация муддати якунланди. Эндиликда у ҳам жамоага ёрдам бера олади. Қолган барча футболчилар бўлажак баҳсга тайёргарлик олиб бормоқда. Жамоа эртага Фарғонага йўл олади.
Эслатиб ўтамиз, “Нефтчи” “Сўғдиёна” баҳси 9 ноябрь куни соат 18:00 да “Истиқлол” стадионида бўлиб ўтади.
