O‘zbekiston Superligasi 30-turida “So‘g‘diyona” Farg‘onada “Neftchi” ga qarshi bahs olib boradi. Jizzaxliklar bugun safar oldidan o‘z maydonlarida mashg‘ulot o‘tkazdi.
Shoxruz Norxonov diskvalifikasiya muddati yakunlandi va u “Neftchi” ga qarshi bahsda jamoaga yordam bera oladi. Shuningdek, jarohati sabab AGMK ga qarshi bahsni o‘tkazib yuborgan Toxir Shamshitdinov ham umumiy guruh bilan mashg‘ulot o‘tkazmoqda. Yoshlar ligasi bahsida 3 ta o‘yinga chetlatilgan Shoxjahon Xasanov ham diskvalifikasiya muddati yakunlandi. Endilikda u ham jamoaga yordam bera oladi. Qolgan barcha futbolchilar bo‘lajak bahsga tayyorgarlik olib bormoqda. Jamoa ertaga Farg‘onaga yo‘l oladi.
Eslatib o‘tamiz, “Neftchi” “So‘g‘diyona” bahsi 9 noyabr kuni soat 18:00 da “Istiqlol” stadionida bo‘lib o‘tadi.