Биламизки, Испанияда футбол жуда ривожланган ва Испания футбол академиялари дунёга бир нечта кучли футболчиларни етиштириб беради. Дунёдаги ҳар бир ёш футболчи Испания футбол академияларида тахсил олишни истайди.
Бизни қувонтирган хабар шу бўлди-ки, “Сўғдиёна” U-16 ва U-18 таркибидаги ёрқин ўйинлари билан мухлисларнинг олқишига сазовор бўлган ёш дарвозабон Диёр Ибрагимов Испаниянинг “Next stars” академиясида тахсил олмоқда.
Диёр ушбу академияга танлов асосида қабул қилинди ва ҳозирги кунда Испаниянинг El Puerto de Santa Maria шахрида бўлиб турибди.
Умид қиламизки, Диёр Ибрагимов камида Давид Де Хеа га ўхшаган маҳоратли дарвозабон бўлиб етишади.
Диёр Ибрагимовнинг Испаниядаги фаолиятига омад тилаймиз!
“Сўғдиёна” ПФК матбуот хизмати
