"Челси" бош мураббийи Маурицио Сарри Европа лигасида БАТЕ устидан сафардаги ғалабадан сўнг (1:0) фикрларини билдирди.
"Танаффусгача жамоадан норози бўлдим. Аммо иккинчи бўлимнинг дастлабки 30 дақиасида хурсанд қилди, гол урдик. Бироқ охирги 15 дақиқа яна кўримсиз бўлди. Барибир ғалаба қозона олдик. Бу жамоанинг хизмати. Об-ҳавони таъкидлаш керак, шу сабабли ўйин яхши бўлмади.
Жиру? Унинг гол урганидан хурсандман. У биз учун муҳим ўйинчи. Мақсадимиз гуруҳдан чиқиш. Энди биринчи ўринни кўзлаяпмиз. Бунинг учун 1 очко олишимиз керак. БАТЕ? Рақиб яхши ўйин кўрсатди. Иккинчи бўлимда вазиятлар кўп бўлди. Борисов ўйинни дуранг қилиши ҳам мумкин эди. Белорусларни яхши ўйин билан табриклайман", - дейди Сарри.
