“Рейнжерс” бош мураббийи Стивен Жеррард Европа лигаси гуруҳ босқичининг 4-турида “Спартак”га қарши бўлиб ўтган ўйиндан сўнг фикрларини билдириб ўтди.

“Табиийки, мен натижадан хафа бўлдим. Биз қўрқимасдан ҳужум қилдик. Баъзи пайтларда шундай қилганимиз учун рағбатландик, лекин сиз кучли рақиб билан учрашганда, тўғри ҳимояланмасангиз, у сизни жазолайди.

Биз одатдаги, асосий нарсаларни қилмадик, нотўғри позицияларни танладик, вазифаларни тўғри бажармадик. Ҳимоя чизиғимиз ҳафсаламни пир қилди. Биз тўртта гол уришимизга ишонгандик бироқ, учта билан чекландик ва натижа кутилгандек бўлмади.

Танаффусдан сўнг даҳшатли беш дақиқани ўтгаздик. Эҳтимол, алмаштиришлар ёрдам бериши мумкин эди, аммо ўтказиб юборилган голлар тактик хато эмас балки футболчиларнинг шахсий хатоси эди. Футболчилар ҳам тирик одам, улар ҳам хато қилиб туришади. нотўғри бўлиши мумкин.

Энди бизнинг олдимиздақийин вазифа турибди. “Спартак” билан биринчи ўйинда дуранг ҳисобга олинса, гуруҳдан чиқиш учун имкониятларимиз пасайиб бормоқда. Барча айб ўзимизда. Муносиб тарзда мағлуб бўлдик”,- дейди Жеррард.