"Милан" бош мураббийи Женнаро Гаттузо Европа лигасида "Бетис" билан учрашувдан сўнг (1:1) Италия чемпионатида "Ювентус"га қарши ўйинда дуч келадиган жароҳатлар ҳақида гапирди.
"Милан" 4 ой аввал Лукас Биглияни йўқотган эди. Матео Мусаккьо Испанияда майдонни замбилда тарк этди, Хакан Чалханўғли эса товонини жароҳатлаб олди.
Бундан ташқари, якшанба кунги ўйинда Давиде Калабрия, Жакомо Бонавентура ва Гонсало Игуаиннинг майдонга тушишлари сўроқ остида.
"Бизда нечта ўйинчи қолганини санаймиз. Шифокорларнинг фикрларини ҳам кутамиз. Мен шифокор эмас, мураббийман.
Биз жанг қиламиз, баҳона излаш - ҳеч қаерга элтмайдиган йўл. Масккьонинг ғайратини биламан, у ўйнаш учун ҳамма нарса қилади. Чалханўғлида оддий лат ейиш. Кўрамиз.
"Ювентус" - фақат Италиядагина эмас, Европадаги энг яхши клублардан бири. Аммо биз рўмолча тутиб йиғлашга тушмаймиз. Биз ўз ўйинмизни ўйнаймиз", - дейди Гаттузо.
