“Монако” бош мураббийи Тьерри Анри ПСЖга қарши ўйин олдидан фикрларини билдириб ўтди.

“Босим сақланиб турибди. У бизнинг турнир жадвалидаги ўрнимизга алоқадор эмас. Якшанба куни бизни нима кутиб турганини биламиз. Бу жамоага қарши ўйнаш осон эмас. Биргина биз эмас, балки, Европанинг қолган клублари ҳам ПСЖ билан ўйинда қийналишади. Уларга муаммолар туғдиришга ҳаракат қиламиз.

Ўйин 0:0 ҳисоби билан бошланади. Уларга ҳеч ким 3 очкони кафолатламаган. Еврокубоклардаги учрашувлар режадагидек ўтмади. Биламиз топ-клублар рақибни тор-мор этиши керак лекин, ҳар доим ўйлаган режалар амалга ошавермайди”, - дейди франциялик мутахассис.