«Манчестер Сити» клуби ҳужумкор футболчи Раҳим Стерлинг билан шартнома узайтирилганини эълон қилди. Янги келишувга кўра, англиялик футболчи 2023 йилга қадар "шаҳарликлар" шарафини ҳимоя қилади.
«Янги шартнома имзолаганимдан хурсандман. Бу жамоада ўсаётганимни ҳис қиляпман. Бу жамоага ўтиб, тўғри қарор қабул қилдим», – деди Стерлинг.
Стерлинг 2015 йилдан бери «Сити»да ўйнаб келмоқда. Бу вақт давомида у АПЛ доирасида 106та ўйинда майдонга тушиб, 37та гол урди.