“Қизилқум” жамоасининг туркманистонлик легионери Артур Геворкян мана бир неча йилдирки Ўзбекистон чемпионатиди муваффақиятли тўп тепиб келмоқда.
Фаолияти давомида “Шўртан”, “Пахтакор”, “Насаф” клубларида тўп тепган иқтидорли ярим ҳимоячининг Суперлига (Олий лига)да киритган голлари 100 тадан ошиб кетди. Сўнгги икки мавсумни “Қизилқум”да ўтказаётган футболчи жамоамиз сафида ҳам кўплаб чиройли голлар киритиб, ғалабага ўзининг муносиб ҳиссасини қўшиб келмоқда.
“Қизилқум” – “Насаф” учрашувидан олдин Артур Геворкянга “Қизилқум” футбол клубининг махсус эсдалик совғаси топширилди. Жамоа бош мураббийи Ҳамиджон Актамов туркманистонлик футболчини табриклаб, клуб сафида кўрсатаётган ўйинлари учун миннатдорчилик билдирди.
