"Барселона" клуби ярим ҳимоячиси Иван Ракитич жароҳат олиб, Хорватия терма жамоаси қароргоҳини тарк этгани ҳақида хабар бериб ўтганди. Футболчининг жароҳати борасида "кўк-анорранглилар" расмий веб-сайти хабар тарқатди.
«Иван Ракитич ўнг оёғидаги мушагида чўзилиш юз берган. Унинг сафга қайтиш муддати тикланиш жараёнига боғлиқ», – дея хабар тарқатди клуб матбуот хизмати.
Ракитич ушбу мавсумда "Барса" сафида 17та ўйинда майдонга тушиб, 3та гол урди ва 3та голга узатма берди.
УЕФА миллатлар лигаси доирасида Англия - Хорватия ўйини эртага, 18 ноябрь куни бўлиб ўтади. Бу баҳсда ғалаба қозонган жамоа мусобақанинг финал босқичи йўлланмасини қўлга киритади.
Эслатиб ўтамиз, Иван Ракитич Испания Ла лигасининг 12-тури доирасида бўлиб ўтган "Бетис"га қарши ўйинда қизил карточка олиб, майдонни тарк этганди. У навбатдаги турда бўладиган "Атлетико"га қарши ўйинни дисквалификация туфайли ўтказиб юборади.